Byihutirwa ucyeneye kumenya kuri Coronavirus covid 19

Byihutirwa ucyeneye kumenya kuri Coronavirus covid 19

Byihutirwa ucyeneye kumenya kuri Coronavirus covid 19

Mu Mpera z’umwaka wa 2019, nibwo hagaragaye indwara covid 19 iterwa na SARAS-COV-2, Virus  yo mu murwango w’ama virus yitwa coronavirus. Inshuro nyinshi, iyi virus, ishobora gutera ibisa n’ibicurane bibabaza cyane inzira z’ubuhumekero bishobora no guhitana umuntu.

 

Ibyorezo 2 byica abantu bimaze kuba mu kinyejana cya 21, aho iteka biba ari coronavirus aho iva mu Nyamaswa ijya mu muntu

  •  SRAS-CoV (2002-2003), Iyi ni coronavirus yagaragaye bwa mbere mubushinwa, aho abantu bagera kuri 8000 bayanduye mu bihugu 30 ku isi, ikaba yarahitanye 774 bakabakaba (10% by’abayanduye)
  • MERS-Cov(2012-2013) , iyi ni coronavirus nayo yafataga ku myanya y’ubuhumekero ikaba yaragaragaye bwa mbere muri arabie saudite, abantu bagera kuri 1589 bakaba barayanduye naho abagera kuri 567 bo ikaba yarabahitanye mu bihugu 26 ku isi. Bivuga ko yishe abagera kuri 30% by’abayanduye.
  • Ikindi cyorezo cyatewe na coronavirus ni icyavuye kuri SARAS-Cov-2, cyagaragaye mubushinwa mu mpera z’umwaka wa 2019. Abantu bambere bagaragayeho ibimenyetso ni abari baremye isoko rya Wuhan, muntara ya Hubei.  Witegereje imiterere ya SARAS-Cov-2 ijya gusa cyane na SRAS-Cov, niyo mpamvu amazina ajya gusa hakongerwaho umubare 2

Ese izi coronavirus zandura gute?

Izi coronavirus ziza iteka zivuye mu Nyamaswa.  Aho inyamaswa iba iyifite iyi virus, ibana nayo ariko itagaragaza uburwayi na butoya, hakaba ubwo iyo nyamaswa iyanduza ubundi bwoko bw’inyamaswa buba bubasha kuyanduza umuntu.  Kuri SRAS-CoV na MERS-Cov, Inyamaswa  yazikwirakwije yari agacurama. 

Kuri SARAS-Cov-2, ariyo iri kuzahaza isi muri iyi minsi, birashoboka cyane ko yari yituriye mu gacurama. Mu kwezi kwa kabiri niho ikipe y’abashakashatsi b’abashinwa bo muri kaminuza y’ubuhinzi yo mu majyepfo y’ubushinwa bemeje ko bishoboka ko inyamaswa yakwirakwije iyi  SARAS-CoV-2 Ari iyitwa Pangolin, bivugwa ko iyi virus yinjiye mu muntu ivuye mu matembabuzi yasohotse muri iyi Nyamaswa mu buryo butaremezwa neza n’impuguke n’ubwo iyi Pangolin nayo bitagaragara neza uko yari yaranduye iyi virus.

Icyo wamenya ku guhererekanya iyi Virus , iva ku muntu ijya kuwundi

Koronavirus SRAS-CoV, SARS-CoV-2 na MERS-CoV ntago ziva gusa ku nyamaswa zijya ku muntu ahubwo zishobora no kuva ku muntu zijya kuwundi.  Kubirebana na Covid 19 iterwa n’amatembabuzi atakara igihe umuntu yitsamuye cyangwa se akorora. Amacandwe anyanyagiza iyi Covid 19 vuba vuba, ariyo koronavirus isi ihanganye nayo kurubu.

ibimenyetso cya Covid 19 ni ibihe?

Ibimenyetso abarwayi bakunda guhuriraho ni umuriro akenshi uri hejuru ya degre Celsius 37.5 n’inkorora. Birashoboka ko hari abababara umutwe, ndetse n’abananirwa guhumeka neza.

Inshuro nkeya iyi ndwara ishobora gutuma unanirwa kumva impumuro ndetse ukanananirwa kuba wakumva uburyohe bw’ibyo utamiye.

Iyi ndwara kugeza ubu bigaragara ko yica abantu hagati ya 2 na 4% , gusa ntitwareka kuzirikana ko hari abarwara iyi ndwara ariko ntibigere bagaragaza ikimenyetso na kimwe kugeza igihe bakiriye ariko ibi ntibibabuze kuyanduza abandi

Ese iyi ndwara ifite urukingo? 

Kugeza ubu ntamuti, nta rukingo kuri Covid-19, kuko ari nshya mu maso y’abahanga n’abashakashatsi, aho kugeza ubu umuti utaraboneka n’urukungo ntarwo

 

Ubusanzwe bitwara imyaka itari micye kugirango urukingo rwindwara ruboneke, gusa kurubu, abahanga n’abashakashatsi barihutisha ibikorwa byo kubona urukingo n’ubwo igihe cyo kuba rwaboneka kikiri hagati y’amezi 12 na 18

uburyo bwo kwirinda ni ubuhe?

Covid 19 byaragaragaye ko ari indwara yandurira mu matembabuzi arimo virus aho yagera mu maso, mu kanwa cyangwa mu mazuru y’uwari muzima bikamutera kwandura.  Mu kwirinda ubwandu bushya uburyo bwizewe mbere y’ubundi ni ubu.

  • Gukaraba n’amazi meza n’isabune
  • Gusiga iteka metero 1 hagati yawe n’undi muntu wese
  • Kwirinda ingendo zitari ngombwa cyane

Igihe ugaragaza ibimenyetso, ihutire guhamagara urwego rw’ubuzima rubishinzwe kuri 114, mu Rwanda uhabwe ubufasha bwihuse kuri iyo numero itishyurwa

 





CLICK HERE TO JOIN MUCURUZI.COM WHATSAPP BUSINESS GROUP





Kindly Note

All Jobs and Opportunities Published on mucuruzi.com are completely free to apply. A candidate should never pay any fee during the recruitment Process. Even if mucuruzi.com does its best to avoid any scam job or opportunity offer, a job seeker or an opportunity seeker is 100% responsible of applying at his own risk.
Check well before applying, if you doubt about the eligibility of any offer do not apply and notifie to mucuruzi.com via this email: mucuruzi2016@gmail.com and remember to never pay any fee to have a job or get any opportunity, if you do so, do it at your own risk.








WELCOME TO OUR WHATSAPP GROUP

Related posts

Leave a Reply